كلمات من القلب بقلم … المحبوبة .. عربيكو

من قبل 💜ALM7BOOBA💜…… كنت بعرِف كتير منيح إنّو الحياة أكبر من إنها توقف ع شي مُعيَّن ، أكبر من إنها توقف بسبب حلم ما تحقّق ، أو شخِص انتهى وجودو بحياتي ، أو موقِف صدَمني ، أو ضربة قوّية خلِّتني إوقف لوحدي بمغارة كبيرة
كنت واثِق من حالي وبحالي ، كنت السَّند الوحيد لإلي رغم وجود الكل حواليي وكان شِعاري الأوَّل والأوحد بهالحياة هو
” فَلتذهب الظُّروف لِلجحيم ، أنا مَن يصنع الفُرَص ” ..
__إبتديت طريقي بخطوات صغيرة كتير ، بِالكاد تُرى ،
كنت إمشي مرّة وإتعثَّر ألف مرَّة
فشِلت ، يأست ، وقِفت ، قررت ما كمِّل بالأخير
وباللحظة اللي كنت عم إبكي فيها ع أملي اللي راح
كان الحِلم عم يركض باتِّجاهي من غير جِهة
بوقتا بس عرِفت شو معنى
” نحنُ عمالِقة بأذنِ الله ، نحنُ أربابَ غيومِنا ” 💭💙
__لمّا انسأَلت عن الحُب كعاطِفة كان جوابي هو :
__الحُب هو عاطفة نبيلة وأسمى شُعور بالكون ، و أكبر سبب من أسباب استمرار الحَياة ، لهالسبب كان حُبِّي كبير لعيلتي ، للخير اللي إنفطرنا عليه ، للِناس ، لِلصلاة ، لِلمطر ، للأمل ، للمُوسيقى ..
الحُب أكبر من إنّه ينحصر بشخِص أو أشخاص ، والأمَل أكبر من إنّو يتعلَّق بحدا ويخيب ..
” كلُّ اتِّكاء على جدارٍ بَشري هو سُقوط مؤجَّل ”
حاوِل ما تستنزِف مشاعرك بطريق كلنا عارفين نهايته ..
__لمَّا طلبت من حدا يحكيلي عن أعز أصدقائه قال :
__كان طول الوقِت حدِّي ، رغم إنّو هو بعيد عنِّي بالمسافة ، بس هو الوحيد اللي كان قريب منّي بالشُّعور ، مضوِّيلي قَلبي ع طول ، ما صار وخَذلني بيوم ، حتَّى بأوقات الزَّعل كنا تنيناتنا واثقين من رجوعنا إذا مو بعد دقايق بعد ساعة من الموقِف
ولا مرَّة تركلي مجال لفكِّر بإنُّو ممكن يخيّبني بيوم ، هو كان روح تانية لإلي وانخلقِت بغير جَسد

” ليسَ صديقي فقط ، إنَّه مصدرُ الضَّوء في عُمري ” ✨

__بنت حكت عن تجربتها بالقُوَّة من بعد الضُّعف ، قالِت :

تعلِّمت كيف إعتبر خسارة النّاس اللي اختارت تطلع من حياتي بإرادتها مكسب كبير لإلي ، عرِفت إنّو كلنا فترات بحياة بَعض والثَّبات للأصدق ، بعد ما كنت إدعي ربّي بشي مُعيِّن صرت إطلُب منّه الخير ، الخير وبس
من بعد ما تخيّلت حالي خسرت شخص كان إله أثر كبير بحياتي ، تأكدِّت من إنّه خسارتي إله كانت بسبب إنتهاء صلاحية هالشَّخص ليسَ إلَّا ..
الإمام عَلي قال :
” لا يَخونُك الأمين ، إنَّما اِئتمنتَ الخائِن ”
توقعته شي وبفضل الله إكتشفت إنّه كان غير شي ..
__ما صار و وثِقت بِالكل، على طول كانت علاقتي سطحيَّة مع الجميع وعميقَة مع كم شخص مُقرَّبين لإلي
كنت وما زِلت مؤمِن بعبارِة
” لا تُغريك جموعَ حشودِهم من حولِك ، يكفيكَ واحداً صادِقاً ، تَكفيك الطّمأنينة ، الطَّمأنينة فقط

عن admin5

شاهد أيضاً

الخطوات السهلة والبسيطة في تعليم قيادة السيارة الأوتوماتيك

الخطوات السهلة والبسيطة في تعليم قيادة السيارة الأوتوماتيك إن التقرير التالي سوف يقدم بعض الخطوات …

تعليق واحد

  1. الله يعطيكي العافية ك بداية
    اختصرتي كثير من مشاعر الي بتيجي للواحد باكثير مواقف ..اختصرتي كثير من العلاقات باسلوب جميل وموجز …سلمت اناملك وبستنى القادم من اعمالك
    حموده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *